Vrasja e gjyqtarit Kalaja, Gjykata merr vendimin për Gjon Shkambin

Gjykata e Shkallës së Parë në Tiranë ka vendosur të mos pranojë kërkesën e Gjon Shkambit për lirimin nga paraburgimi, në lidhje me ngjarjen e rëndë ku u vra gjyqtari Astrit Kalaja dhe u plagosën dy persona të tjerë.

Shkambi kishte apeluar masën e sigurisë, duke pretenduar se nuk kishte lidhje me sulmin brenda sallës së gjyqit, ku nipi i tij, Elvis Shkambi, qëlloi me armë sapo gjyqtari shpalli vendimin për një çështje pronësie në të cilën xhaxhai i tij ishte palë.

Në dokumentet e dorëzuara në gjykatë, Gjon Shkambi pretendoi se nuk kishte pasur dijeni për veprimet e nipit dhe kërkoi të provohej pafajësia e tij.

Megjithatë, Apeli rrëzoi ankimimin, duke lënë në fuqi vendimin për paraburgim. Ndërkohë, nipi Elvis Shkambi, i cili gjithashtu ndodhet në paraburgim, nuk ka apeluar masën e sigurisë.

Në këtë ngjarje mbetën të plagosur edhe Ragip dhe Ervis Kurtaj, baba e bir, të cilët ishin palë e tretë në të njëjtën çështje gjyqësore.