Vrau 12 vetë , zjarri në New York u shkaktua nga një 3-vjeçar duke luajtur

Hetuesit e qytetit të Nju Jorkut besojnë se zjarri i Bronksit që vrau 12 vetë, duke përfshirë katër fëmijë, ishte shkaktuar nga një fëmijë që luante me prushin e një sobe.

Një djalë trevjeçar i pambikëqyrur aksidentalisht filloi zjarrin, tha komisioneri i zjarrit Daniel Nigro.

Ndërsa nëna e fëmijës iku me dy fëmijët e saj, ajo më pas e la hapur derën, duke lejuar që zjarri të hyjë në korridor.

Shkallët kishin “vepruar si një oxhak”, duke lejuar që zjarri të përhapet me shpejtësi lart, shpjegoi ai.

Zjarri në natën e së enjtes ishte më vdekjeprurëse në qytet për të paktën 25 vjet, sipas kryetarit Bill de Blasio.

Policia tha se ndër të vdekurit ishin tre vajza, të moshës një, dy dhe shtatë vjeç, dhe një djalë që ende nuk ishte identifikuar.

Më shumë se 170 zjarrfikës ndihmuan në vënien e flakëve nën kontroll në kushtet e një moti tepër të ftohtë. Mediat lokale raportojnë se dy fëmijë u gjetën të vdekur në krahët e një gruaje që kishte kërkuar strehim në një vaskë.