Vuçiç sakrifikon kryeministrin e tij nga protestat masive

Kryeministri i Serbisë, Millosh Vuçeviç pritet të japë dorëheqjen këtë të martë, shkruajnë mediat në Beograd.

Ai pritet të mbajë një konferencë të jashtëzakonshme në orën 11:00.

Një ditë më parë, presidenti Aleksandër Vuçiç tha se kërkesat e studentëve janë plotësuar dhe se po rishikon mundësinë për riformatim të qeverisë.

Millosh Vuçeviç ftoi dje të gjithë dekanët, rektorët, profesorët e universitetit dhe përfaqësuesit e studentëve në një takim për të diskutuar të gjitha temat e rëndësishme për gjithë komunitetin dhe për veten e tyre

Ende nuk dihet asnjë detaj, por dorëheqja e Vuçeviç do të vinte në një kohë jo fort të mirë për qeverinë serbe për shkak të protestave të javëve të fundit.