Zbulohen veprat penale për të cilat po hetohet Agim Ismaili

Agim Ismail, ish-drejtori i Përgjithshëm i Burgjeve, është marrë sot nën hetim nga Prokuroria e Posaçme Kundër Korrupsionit (SPAK), pas dyshimeve për tentativën e hakerimit të një institucioni shtetëror disa muaj më parë.

Sipas informacionit zyrtar, Ismaili është marrë në pyetje në praninë e një avokati, ndërsa ndaj tij po zhvillohen hetime për veprat penale:

• Neni 293/a (paragrafi i dytë) – Përgjimi i paligjshëm i të dhënave kompjuterike

• Neni 333/a – Pjesëmarrja në grup të strukturuar kriminal

• Neni 334 – Kryerja e veprave penale nga organizata kriminale dhe grupi i strukturuar kriminal

Hetimet ndaj ish-kreu të Burgjeve vijnë disa muaj pas incidentit të dyshuar të hakerimit, ndërsa SPAK ka njoftuar se procedurat po ndiqen në mënyrë intensive për të përcaktuar rolin dhe përgjegjësitë e tij në këtë çështje.