Zegjineja e quajti bukurosh, Balliu s’ia përton: E do numrin?

Momente humori dhe tensioni në të njëjtën kohë gjatë seancës maratonë të Kuvendit, që ka nisur që prej orës 10:00 të mëngjesit.
Deputetja socialiste Zegjine Çaushi dhe deputeti demokrat Klevis Balliu shkëmbyen replika të forta, që sollën të qeshura mes kolegëve në sallë.

Gjatë fjalës së saj, Çaushi e cilësoi Balliun “bukurosh” dhe e akuzoi se vinte “nga një familje hajdutësh”.
Kaq mjaftoi që Balliu t’i përgjigjej me batutë nga vendi: “E do numrin?”, duke shkaktuar të qeshura në sallën plenare.

Pjesë nga debati:
Zegjine Çaushi: “Dëgjova këtë bukuroshin që foli për administratën publike.”
Klevis Balliu: “E do numrin?”
Çaushi: “E si mund të dalë këtu një bukurosh si ky që flet për administratën… Ti je i fundit që mund të flasësh për korrupsionin. Ti, përveçse vjen nga fis i bukur, vjen edhe nga një familje hajdutësh, madje hajdutësh të rrugëve!”

Deputetja socialiste vijoi më pas me akuza ndaj familjarëve të Balliut për përfitime në kohën e qeverisë së mëparshme, ndërsa ky i fundit iu përgjigj:
“Edhe ty mund të të ktheja të njëjtën përgjigje si shoqes tate, por nuk ka doktor që të merr përsipër.”

Përplasja e tyre u shoqërua me të qeshura dhe duartrokitje nga disa prej deputetëve të pranishëm.