Zelensky: Evakuimi i civilëve nga Mariupoli vijon nesër. Rusia po tenton të na shfarosë por në fund nuk do të fitojë asgjë

“Sot, për herë të parë në të gjitha ditët e luftës, ky korridor jetik filloi të funksionojë. Për herë të parë pati dy ditë armëpushim të vërtetë në këtë territor”, u shpreh Zelensky.

ne do të vazhdojmë të bëjmë gjithçka për të evakuuar njerëzit tanë nga Azovstali dhe Mariupoli. Organizimi i korridoreve të tilla humanitare është një nga elementët e procesit të negociatave edhe pse shumë kompleks. Por sado e vështirë që ka qenë më shumë se 350 mijë  njerëz u shpëtuan nga zonat e luftës. Sot, trupat ruse vazhduan të sulmojnë territorin e shtetit tonë. Objektivat që ata zgjedhin vërtetojnë edhe një herë se lufta kundër Ukrainës është një luftë shfarosëse.. Ata kishin në shënjestër magazinat e ndërmarrjeve bujqësore. Depoja e drithit u shkatërrua. Është bombarduar edhe magazina me plehra. Ata vazhduan me sulmet ndaj lagjeve të banuara në rajonin e Kharkiv, Donbas etj. Ata po grumbullojnë forca në jug të vendit në përpjekje për të sulmuar qytetet dhe komunitetet tona në rajonin e Dnipropetrovsk. Cili mund të jetë suksesi strategjik i Rusisë në këtë luftë? Sinqerisht, nuk e di. Jetët e shkatërruara të njerëzve dhe pronat e djegura ose të vjedhura nuk do t’i japin asgjë Rusisë. Kjo vetëm do të rrisë toksicitetin e shtetit rus dhe numrin e vendeve që do të punojnë për të izoluar Rusinë