Zjarr pranë stadiumit të Kukësit, flakët përfshijnë kurorën me pisha

Një zjarr ka përfshirë kurorën me pisha pranë stadiumit të Kukësit, duke shkaktuar shqetësim për shkak të përhapjes së shpejtë të flakëve, e favorizuar edhe nga era.

Vatra e zjarrit u evidentua rreth orës 13:20. Menjëherë pas sinjalizimit, shërbimet zjarrfikëse u nisën drejt zonës dhe ndërhynë për izolimin e flakëve, duke synuar që zjarri të mos përhapej në sipërfaqe të tjera.

Për shuarjen e zjarrit u angazhuan dy automjete zjarrfikëse. Pas ndërhyrjes së efektivëve, flakët u vunë nën kontroll dhe vatra u shua plotësisht.

Pas përfundimit të operacionit, grupi hetimor ka nisur verifikimet në terren për të përcaktuar shkaqet dhe rrethanat e rënies së zjarrit.