Zyrat për kartat e identitetit të hapura dhe të shtunën
Mbarimi i afatit të kartave të identitetit ka sjellë prej kohësh tashmë një fluks të shtuar në sportele, teksa këtë javë autoritetet janë të detyruar të punojnë edhe ditën e shtunë.
“Zyrat e aplikimit për karta ID, të hapura edhe të shtunën në qytetet kryesore të vendit. Drejtoria e Përgjithshme e Gjendjes Civile, për shkak të fluksit të aplikimeve për karta ID dhe për t’u ardhur në ndihmë qytetarëve, ka urdhëruar hapjen e zyrave të aplikimit për Tiranën dhe disa prej qyteteve kryesore të vendit, të shtunën, datë 2 Shkurt.
Në kuadër të masave që janë marrë për përballimin e fluksit, nesër, përveç Tiranës, do të jenë funksionale zyrat e aplikimit në qytetet: Berat, Durrës, Elbasan, Fier, Lushnje, Korçë, Shkodër, Kamëz dhe Vlorë”, thuhet në njoftim.
Keni një histori? Denonco anonimisht, identiteti juaj mbrohet.
Denonco
