14-vjeçarja gjendet në një hotel në Tiranë

Është gjetur në një hotel në Tiranë 14-vjeçarja që ishte larguar nga shtëpia e saj në Patos prej 3 ditësh.

14-vjeçarja me iniciale J.M ndodhet në gjendje të mirë shëndetësore por ende nuk dihet nëse është bashkuar me prindërit e saj.

Këta të fundit më herët thanë  se vajza e tyre nxënëse e klasës së tetë në shkollën 9-vjeçare “Koli Dimo” ishte larguar nga shtëpia me një valixhe. 

Prindërit e saj, Artjan dhe Luiza Metaj thanë se vajza kishte ikur me autobus në Tiranë por pa e ditur se me kë.

Njoftimi i policisë Tiranë:

Informacion paraprak/ Më datë 24.06.2023, në një hotel në rrugën “Shemsi Haka”, është gjetur shtetasja e mitur 14-vjeçare, e cila ishte shpallur në kërkim nga DVP Fier, për largim nga banesa. 14-vjeçarja ndodhet në gjendje të mirë shëndetësore.