200 milion lekë dëm shtetit, prangosen zyrtarë të lartë të ARRSH-së në Durrës,

Mësohet se operacioni që ka çuar në pranga tre inxhinierë të ARRSH Durrës, është iniciuar nga Prokuroria e qytetit bregdetar dhe është vënë në zbatim në orët e para të mëngjesit të sotëm. Ai ka të bëj me abuzimet me disa tendera për mirëmbajtjen e rrugëve në këtë qytet, ndërsa dyshohet se dëmi që i është shkaktuar shtetit kap vlerën e 200 milion lekëve të vjetra.

Operacioni vazhdon dhe në këto momente për arrestimin e zyrtarëve dhe personave të tjerë të përfshirë, ndërkohë pritet të zbardhen dhe emrat e të arrestuarve.