PD: Premtim i pambajtur, ky është eksperimenti i fundit që Rama bën me shqiptarët
Partia Demokratike e konsideron aeroportin e Kukësit, si një premtim të pambajtur të Edi Ramës. Në një reagim, PD thotë se ulja e avionit nuk u bë në Kukës, sic u premtua, por në Rinas, pasi aeroporti nuk ka certifikatë sigurie.
Sipas Partisë Demokratike, ky është eksperimenti i fundit që Rama bën me shqiptarët.
“Hapja e aeroportit të Kukësit për fluturime ndërkombëtare, premtim tjetër i pambajtur i Edi Ramës. Ulja e një avioni të Air Albania në Kukës s’u bë nga Londra, siç premtoi Rama, por nga Rinasi, sepse aeroporti s’ka certifikata sigurie.
Me Ramën në krye të qeverisë, fluturimet ndërkombëtare në Aeroportin e Kukësit janë si hapja e negociatave me BE: Ato nuk ekzistojnë. Ky është eksperimenti i fundit që Rama bën me shqiptarët. Kryeministri më i dështuar dhe më i paaftë në historinë e vendit do të largohet në 25 prill nga shqiptarët që duan ndryshim!“, thuhet në reagimin e PD.
Keni një histori? Denonco anonimisht, identiteti juaj mbrohet.
Denonco
