Kryeministri Rama ka publikuar mëngjesin e sotëm një video të punimeve që po kryehen në Mbrostar, për ndërtimin e Spitalit të ri Rajonal të Fierit.
“Mirëmëngjes, dhe me 21 ditët e punës në kantierin e Spitalit Rajonal Memorial të Fierit, ju uroj një ditë të mbarë”, shkruan kryeministri Rama dhe ndan videon e mëposhtme.
Kujtojmë se, spitali i ri do të ndërtohet nga qeveria turke dhe presidenti Erdogan është zotuar se ai do të jetë gati për 3 muaj. Spitali i ri do t’i shërbejë gjithë jugut dhe do jetë projekti më madhor në zonë, në fushën e shëndetësisë.
