25% e parave erdhen nga Italia, gjithsej 1.1 miliard remitancat nga emigrantët

Në krizën e vazhdueshme ekonomike, emigrantët shqiptarë po dërgojnë gjithmonë e më shumë para për familjet e tyre. Gjatë viti 2022 në Shqipëri, vit ky kur nafta dhe ushqimet pësuan rritje të lartë të çmimit, emigrantët dërguan rreth 1.1 miliardë euro.

Kjo vlerë është aq e lartë, sa krahasohet me 10% të prodhimit të brendshëm bruto, ose aq sa investimet e huaja në vendin tonë. Paratë më së shumti janë dërguar nga Italia me afro rreth 25% të totalit të parave. Më pas vijnë dërgesat nga Britania e Madhe dhe Gjermania, ndjekur nga Greqia, e pas saj Shtetet e Bashkuara të Amerikës.

Sipas të dhënave zyrtare, 1 në 5 familje në vend jetojnë me ndihmën e të afërmeve në emigrim. Për një familje mesatarisht vijnë rreth 2 mijë euro në vit, shumë e cila shkon si shpenzim për ushqime dhe ilaçe kryesisht.