Meta sherr me vëllain e Lefter Kokës dhe nipin e Nasip Naços

Një zënkë  ka ndodhur disa ditë më parë në një nga hotelet luksoze në Gjirin e Lalzit.

Ish-presidenti Ilir Meta, tashmë kreu i Partisë së Lirisë është përplasur ashpër me disa personazhe, të cilët më parë kanë qenë miqtë e tij.

Konflikti ka ndodhur në një darkë familjare, në një hotel në Gjirin e Lalzit, ku Meta ishte i ftuar me disa personazhe të jetës politike dhe biznesit në vend.

Ish-presidenti  ka debatuar ashpër me vëllain e Lefter Kokës, Nard Kokën, duke diskutuar dhe akuzuar se Edi Rama i kishte futur vëllain në burg, ndërsa gjatë kohës që ishte pas Ilir Metës ai nuk përfundoi kurrë kështu, por Ilir Meta e kishte bërë edhe ministër.

Debat të ashpër Ilir Meta kishte bërë edhe me nipin e deputetit Nasip Naço, i cili tashmë ka kaluar te Partia Socialiste.

Debatet kanë qenë shumë të tensionuara, të ashpra dhe gati ka shkuar gjithçka në një përplasje fizike, por ka qenë ndërhyrja e organizatorëve të darkës, një biznesmeni dhe kryetarit të PAA-së, zotit Agron Duka që ka qetësuar gjakrat deri në largimin e Ilir Metës nga mbrëmja..

Leonard Koka është njeriu që në vitin 2012 organizoi darkën e famshme të ngjalave në Gjirin e Lalzit ku u bë dhe marrëveshja Rama – Meta, që solli Rilindjen dhe LSI-në në pushtet ne vitin 2013.

Tashmë pas 10 vitesh organizatori i “tavolinës së ngjalave” peërplaset me Metën, i cili nga ana e tij këmbngul që Lefter Koka dhe Nasip Naço janë produkte të tij dhe janë mosmirënjohës që kanë përfunduar keq duke u përdorur nga Edi Rama.

Lajmi është tentuar të mbahet shumë konfident dhe deri tani nuk është raportuar.