3 emrat që përfliten për të marrë Himarën

Tërheqja e Jorgo Goros dhe burgosja e Fredi Belerit i kanë lënë vend kandidaturave të reja për bashkinë e Himarës.

Mësohet se në negociatat Tiranë-Athinë për prapaskenat e Himarës, qarkullojnë fjalë në mediat greke se Edi Rama ka propozuar emrin e “shqiptarit” me gjak greku Vangjel Tavon për kryebashkiak. Ndërkohë ish-deputeti i PBDNJ-së Thoma Miço ka zbuluar dy emra të rinj.

Bëhet fjalë për gazetarin fikogrek të Top Channel Ilir Paço dhe biznesmenin me lidhje qeveritare që ha paratë e qytetarëve Theodhori Çamin.

Miço ka deklaruar se Beleri ka kërkuar nga burgu që ta zëvendësojë një nga anëtarët e listës së tij për kandidaturën e bashkisë Himarë dhe pa konsesusin e këtij të fundit Greqia nuk do e pranojë.

“Ngri njërin, plas tjetrin”,-thotë populli kur bie fjala për kandidaturat e përfolura deri më tani për bashkinë e Himarës, të cilën shteti shqiptar e ka lënë historikisht si bashki minoritare greke brenda Shqipërisë.

Dikur i LSI, Vangjel Tavo njihet më së miri për shkrirjen e degës e partisë së Likes në Gjirokastër duke ia drejtuar ushtarët drejt e në PS me shpresën se Rama do e kandidonte për njërën prej bashjive jugore. Një socialist në thelb i kamufluar si LSI-st ashtu siç kamuflon atdhe-dashurinë për Greqinë me atë fasadë për Shqipërinë.

Ilir Paço i njohur ndryshe si grekofili i medias, është mbështetës haptazi i grekëve dhe kryesisht atyre që kanë lidhje me Partinë Agimi i Artë. Ai është akuzuar shpesh publikisht se punon si përçarës i popullit dhe përhapjes së propagandës anti-shqiptare.

Theodhori Çami, një nga biznesmenët e medias që synon të hyjë në politikë falë rrënjëve të tij. I përkëdheluri i Belinda Ballukut, përpos faktit se ka ngrënë nga paratë publike  prisni që përpos lajkave për qeverinë në televizionin e tij të shihni të transmetohen lajmet në greqisht.