34-vjeçari në Vaun e Dejës dhunon prindërit dhe shkatërron orenditë shtëpiake, kishte kanabis me vete

Një 34-vjeçar në Vaun e Dejës ka dhunuar prindërit dhe më pas ka shkatërruar orenditë shtëpiake. Pas ngjarjes, 34-vjeçari ka përfunduar në prangat e policisë. 34-vjeçari është identifikuar si shtetasi me iniciale N.P, të cilit iu gjet edhe një sasi kanabisi gjatë kontrollit të policisë.

Njoftimi i policise:

Vau i Dejës/Ushtroi dhunë ndaj prindërve të tij dhe dëmtoi orenditë shtëpiake, vihet në pranga 34-vjeçari.

Gjatë kontrollit fizik, 34-vjeçarit iu gjet një sasi kanabisi.

Specialistët për Hetimin e Krimeve të Komisariatit të Policisë Vau i Dejës kanë arrestuar shtetasin N. P., 34 vjeç, pasi ka ushtruar dhunë ndaj prindërve të tij dhe ka dëmtuar orenditë shtëpiake.

Gjatë kontrollit fizik, shërbimet e Policisë i gjetën shtetasit N. P., një sasi të vogël lënde narkotike kanabis, e cila u sekuestrua në cilësinë e provës materiale.

Materialet procedurale u referuan në Prokurori, për veprime të mëtejshme