35 deputetë të opozitës depozitojnë për herë të dytë kërkesën për ngritjen e Komisionit Hetimor për Investimet

Deputetët e opozitës këtë të hënë kanë depozituar nga e para kërkesën e 35 ligjvënësve për ngritjen e Komisionit Hetimor për të verifikuar zbatimin e ligjit për investimet strategjike.

Mazhoranca socialiste rrëzoi të enjten kërkesën e deputetëve të opozitës për ngritjen e këtij Komisioni.

Pas tërheqjes së deputetit Agron Duka, deputetët nismëtarë ridorëzuan kërkesën duke plotësuar atë me nënshkrimet e nevojshme. Por socialistët e rrëzuan me pretendimin se kërkesa duhet të ishte bërë nga fillimi dhe firmat duhet të ishin mbledhur sërish pas tërheqjes së deputetit Duka.

“Mblidhini të njëjtët firmëtarë dhe hajde të bëjmë debatin. Debati zhvillohet kur kërkesa përmbush kriteret formale. I përmbush kriteret formale me një deputet që thotë se është tërhequr. Kërkesën bëjeni nga fillimi për të plotësuar kriterin formal” – u shpreh kreu i grupit të PS, Taulant Balla.

Deputeti Gazment Bardhi tha nga ana tjetër se 36 deputetë kanë shprehur vullnetin e tyre për ngritjen e komisionit Hetimor dhe se tërheqja e një deputeti nuk e zhbën vullnetin e nismëtarëve të tjerë. Bardhi akuzoi mazhorancën se po nxjerr justifikime të kota, për të penguar hetimin dhe transparencën me abuzimet që qeveria po bën me pronat publike.

“Ta harroni se mund të bllokoni një komision hetimor të kërkuar nga opozita konfrom ligjit  dhe kushtetutës. Dilni zbuluar se me atë ligj që është zbatuar, pasi miq dhe familjarë tuajt kanë përfituar pasuri publike. Doni apo nuk doni ju opozita do ta bëjë transparencën e plotë për sa i përket investimeve strategjike”– tha Bardhi.

Deputetët firmëtarë

1. AGRON GJEKMARKAJ
   2. ALFRED RUSHAJ
   3. ANDIA ULLIRI
   4. ARBI AGALLIU
   5. BLEDJON NALLBATI
   6. BUJAR LESKAJ
   7. DASHNOR SULA
   8. DASHAMIR SHEHI
   9. DHURATA ÇUPI
   10. EMILJA KOLIQI
   11. ENKELEJD ALIBEAJ
   12. ERALDA BANO (TASE)
   13. FERDINANT XHAFERRAJ
   14. FLAMUR HOXHA
   15. FATJON VEIZAJ
   16. FATMIR MEDIU
   17. FLUTURA AÇKA
   18. GAZMENT BARDHI
   19. GRETA BARDELI
   20. ILDA DHORI
   21. HELIDON BUSHATI
   22. JORIDA TABAKU
   23. KASTRIOT PIROLI
   24. XHELAL MZIU
   25. KRESHNIK ÇOLLAKU
   26. LEFTER GËSHTENJA
   27. LINDITA METALIAJ
   28. LULZIM BASHA
   29. MERITA BAKIU
   30. ORJOLA PAMPURI
   31. RAMADAN LIKAJ
   32. SAIMIR KORRESHI
   33. SELADIN JAKUPLLARI
   34. ZEF HILA
   35. ZHENI GJERGJI