47-vjeçari shqiptar ekzekutohet “me bukë në gojë” në restorant

Krimi ka ndodhur ditën e djeshme rreth orës 11:10 të mëngjesit, teksa shqiptari i identifikuar si Ilir Zelka, ishte ulur në restorant “Cyrih” në qytetin Jardins të Sao Paulos.

Autoritetet në Brazil bëjnë me dije se shqiptari, i cili kishte prej 20 nëntorit që qëndronte në një hotel të zonës dhe frekuentonte rregullisht të njëjtin restorant, ishte duke ngrënë mëngjes, kur një person i paidentifikuar iu afrua me motor dhe hapi zjarr në drejtim të tij.

Zelka u transportua me urgjencë drejt spitalit, por nuk mundi t’i mbijetonte plagëve.

Autori ishte veshur me një këmishë të kuqe dhe skafandër ngjyrë rozë. Zyrtarët e policisë thanë se ngjarja nuk po hetohet si tentativë grabitje. Pas atentatit, autori u largua me shpejtësi nga vendi i ngjarjes, duke braktisur motorin tip “Honda CG 150” që u sekuestrua nga policia.