50 Euro nuk mjaftojnë për të kaluar policin nê Rinas

Në pranga ka rënë shtetasi L. L., banues në Tiranë. Mbi të rëndon akuza e  “Korrupsionit aktiv i personave që ushtrojnë funksione publike”.

“Arrestimi i tij u bë pasi gjatë kontrollit të dokumentacionit dhe intervisitimit për qëllimin e udhëtimit në vendet e BE-së, ky shtetas, duke qenë se ai nuk justifikonte qëllimin e lëvizjes dhe nuk plotësonte kushtet për të udhëtuar në hapësirën Schengen, i ka ofruar punonjësit të Policisë 50 euro, për ta lejuar që të vijonte udhëtimin” shkruan policia.

Gjatë javë së fundit Policia Kufitare e Rinasit ka goditur dhe tre raste të tjera të tentativës për të korruptuar punonjësit e Policisë Kufitare.