“Mos kjani per mue. Kjani per vedi e per femijet tuej”!

“Qysh dje verej tue u perserite nji fenomen. Qe me rrezimin e diktatures, vazhdimi i sundimit te klanit grabites asht shnderrue prej luftes ne metoden e zevendesimit. Ne luften kunder tjetrit per keto kohe rezultatin ma te mire e jep zevendesimi, vjedhja e kauzes, heqja e zanit. Ne tv nuk
ndihet zani i kuksianeve. Te intervistuemit jane tashma “çuna tirone” qe me justifikimin e solidarizimit marrin krejt vemendjen e kthehen ne “zanin e protestes”. Se sa trima jane keta “çunat e Tirones” (shpesh pjella bllokut) mjafton me pa se si ka vojte puna ne qytetin e tyne. Qe ne Shqipni ka mbete nji Kukes, Shkoder e Lezhe kjo asht evidente e pjesa tjeter asht kthye ne mishnimin e shprehjes se kryeministrit nji nate para protestes. Tashma qe revoltes se kuksianeve duhet me ia hjeke zanin, me i marre frenat “çunat e Tirones” e me e ba me perfundue ne pleh, si çdo “kauze” tjeter asht fenomen i njoftun, si tane tjeret.

Me qe jena ne kohe Pashkesh, asht e mira me kujtue nji fjale te Kriishtit ne Rrugen e Kalvarit: “Mos kjani per mue. Kjani per vedi e per femijet tuej”!

Doni me i ndryshue gjanat?! Mos kjani per kuksianet, por per vedi! Doni me qene te sinqerte? Kjani per qytetin tuej ku vjedhja e çdo pellambe toke e ka ba te pabanueshem, per shtepijat tueja te permbytuna, per çatite qe ju bien ne krye prej mafiozeve te naftes, per femijet e vdekun
aksidentalisht ne pune te randa, kjani pse ju kane kthye ne sklleven, ne te vdekun qe ecin… keni boll per çka me kja per vedi! Ne se e doni ndryshimin, lejini kuksianet te flasin me za te vet e jo me goje tuej. Bani per vedi nji te njiqindten e asja qe kuksianet bane per vedi e athere diçka ka me ndryshue!”