692 milionë lekë tendera për udhëtime jashtë shteti

Në njoftimet e instuticioneve dhe enteve shtetërore, për shpenzime në zërin “dieta-udhëtime”; konstatohet një numër i madh tenderësh, për blerje bileta avioni, çuditërisht në shtete “VIP” të BE, por edhe në vende të tjera, të njohura për relaks festash fund-viti.

Në këto tendera, bënë pështypje specifikimi që afro 90% e tenderëve, po bëhen me procedura të përshpejtuara realizimi, në afat kohor 3-5 ditë, me kërkesën që udhëtimet të jenë në data datat 21-23 e 29-30 dhjetor 2019.

Sipas të dhënave, nga “Buletini i APP”; rezulton se gjatë muajit dhjetor 2019, janë shpallur e po zhvillohen 232 tendera, për blerje biletash udhëtimi me avion, me vlerë totale 692 milionë lekë më TVSH.

Udhëtimet, janë paracaktuar të bëhen në 18 vende të BE, në 9 shtete të SHBA dhe në Turqi, Rusi, vendet Arabe etj.; me afat qëndrimi jashtë Shqipërisë nga 5-10 ditë.

Të gjithë institucionet që janë pyetur nga “Pamfleti”, thonë se këto janë “udhëtime për çështje pune të fund-vitit”; por megjithëse ligji e detyron, që qëllimi i udhëtimit të deklarohet në dokumentet e shpalljes së tenderit; asnjë prej tyre nuk e ka deklaruar.

Ndërkohë, që afro 80% e biletave, janë porositur me kërkesa për bagazhe voluminoze mbi peshën normale të një vizite pune dhe kjo krijon dyshimin, se këto miliona lekë taksa publike në periudhë festash fund-viti; nuk harxhohen për “udhëtime pune”, por për ekskursione private me lekët e shtetit.

Këtë e përforcon edhe fakti, se pasagjerë avionësh nuk do të jenë specialistë sektorësh ekonomie, mjedisi, pyjesh, bujqësie, ndërtimi, arsimi, shëndetësie, kulture, energjie etj.; por janë ministra, sekretarë, zv/ministra, kryebashkiakë e drejtorë të lartë; të cilët kanë familjet dhe fëmijët jashtë Shqipërisë.