9 ditë i zhdukur, gjendet i pajetë 63-vjeçari, ja për çfarë dyshohet

Një 63-vjeçar është gjetur i pajetë ditën e sotme në fshatin Adriatik të Kurbinit.

Siç njofton Policia e Kurbinit në një njoftim paraprak, sot është gjetur i pajetë në një parcelë, shtetasi me inicialet D.Sh, 63-vjeç.

Ai ishte larguar nga banesa që nga data 25 janar 2019, dhe ishte larguar pa njoftuar. Siç bëhet me dije, 63-vjeçari mjekohej nga sëmundja e sklerozës. Më poshtë, edhe njoftimi i Policisë.

NJOFTIMI I PLOTË

Sot, rreth orës 15:57, në fshatin Adriatik në Kurbin, në një parcelë është gjetur pa shenja jete shtetasi D.Sh., 63 vjeç, banues në Mamurras, i cili ka qenë larguar nga banesa që nga data 25 janar 2019. Ai merrte mjekim për shkak se vuante nga sëmundja e sklerozës.
Nga kqyrja paraprake nuk janë konstatuar shenja dhune. Pritet ekspertiza mjeko-ligjore për përcaktimin e shkakut të vdekjes.
Grupi hetimor vazhdon hetimet në vendngjarje për sqarimin e plotë të situatës.