VIDEO LIVE/Haradinaj flet për kohën kur ishte ushtar i Jugosllavisë: Si mbërrita më thirrën në bisedë informative

Haradinaj ka thënë në emisionin “Pressing”, në televizionin T7, se si ushtar ka qëndruar në qytetin e Pirotit, në juglindje të Serbisë.

“Ushtar kam shkuar në Pirot. Si kam mbërritur, më kanë thirrur në bisedë informative”, ka treguar ai.

Arsyeja, ka thënë Haradinaj, ishte se ai vinte nga një familje e njohur, që kishte shumë njerëz nëpër burgje.

“Më thanë: ‘A po e sheh këtë lëndën këtu?’ Këtu shkruan gjithçka për familjen tënde. Kurrë s’keni qenë me Jugosllavinë, me vëllazërim-bashkimin. Jeni e keqja’”, ka treguar ai.

Kryeministri i vendit ka thënë t’i jenë paraqitur “dy mundësi” nga eprorët. “A po do të shërbesh me nder, e të kthehesh në shtëpi. Apo po do ne të tregojmë se çfarë të gjen?”, ka kujtuar Haradinaj t’i kenë thënë. Shefi i ekzekutivit të vendit ka thënë se atje është munduar të bëhet “ushtar sa më i mirë”.

Ka treguar se në detyrat ushtarake kishte notat e mira. /Express