Quo Vadis… PD!

Denis Dyrnjaja

PD-ja sot është peshqesh ekskluziv i Berishës që pasi nuk lejoi kurrë një garë reale në parti e dominoi atë përsa vjet i interesoi dhe pasi e degradoi në 2013-ën në atë humbje spektakolare e dha me konçension.

Çështja është që ata që janë sot kundër konçensionarit që ka marrë çelsat e partisë, janë të njëjtët që duartrokitën ose heshtën për “gijotinën politike” të Berishës për 27 vjet me rradhë ndaj atyre që kërkonin demokraci dhe zgjedhje brenda partisë.

Sot ata e kanë të vështirë të artikulojnë emrin e shkaktarit, ndërsa vetë shkaktari sheh sesi degradoi dhe po zvenitet ylli i një force politike që në fillim të viteve ’90 besonin 70% e të gjithë shqiptarëve se do ishte shpresa dhe e ardhmja.

Ku ta dinin se forca e lirisë do kthehej në “supermarket familjar”.

Mëkat historik dhe politik, unik!