DJEGIA E MANDATEVE, VJEN REAGIMI I PARË NGA PARTITË E DJATHTA EUROPIANE

Komisioneri i Parlamentit Europian, Eduart Kukan shprehet se djegia e mandateve nuk është një ide e mire.

“Unë nuk pajtohem me bojkotin e parlamentit. Iniciativa të tilla nuk kontribuojnë në situatën tashmë të tensionuar politike. Unë mendoj se politikanët në Shqipëri duhet t’u drejtohen institucioneve demokratike dhe mandateve që u janë dhënë nga qytetarët me më shumë përgjegjësi” thotë Kukan për Report Tv.

Sipas tij Shqipëria ka nevojë për një dialog politik konstruktiv dhe të qëndrueshëm për të arritur potencialin e plotë demokratik.

“Kam përsëritur gjithmonë se Shqipëria ka nevojë për një dialog politik konstruktiv dhe të qëndrueshëm për të arritur potencialin e plotë demokratik. Situata aktuale politike nuk duket se po e ndihmon vendin për të lëvizur përpara”, shprehet Kukan.