Klimë e tensionuar te Reali i Madridit, Gareth Bale nuk ‘flet’ me shokët e ekipit

Në dhomat e zhveshjes te Reali i Madridit ka një klimë shumë të tensionuar për Gareth Bale.

29-vjeçari ka prishur marrëdhëniet me pjesën tjetër të grupit dhe me shumë mundësi do të largohet në fund të sezonit.

Sipas asaj që raporton “AS”, kjo situatë është shumë e vështirë për tu menaxhuar dhe kjo u pa ditën e djeshme, kur Bale refuzoi të përqafohej me Lukas Vaskez pas penalltisë të shënuar.

Marcelo dhe Courtois kanë komentuar shumë herë karakterin e uellsianit dhe kjo gjë nuk i ka pëlqyer aspak atij.

Një gjë është e sigurtë, që në kampin e Realit të Madridit vjen era “barut” dhe shumë vështirë situata do të ketë zgjidhje, nëse nuk do të ketë largime.