Atentati ndaj punonjësve në Lezhë, reagon bashkia

Pas kësaj ngjarje të rëndë vjen reagimi zyrtar nga ana e bashkisë.

Mirel Ndoka, punonjës i INUV dhe Edmond Mhilli ish-punonjës i njësisë Administrative Zejmen, ranë pre e atentatit, ndërsa bashkia i bën apel policisë të reagojë.

Sipas saj kjo ngjarje nuk ka asnjë lidhje me punën e inspektorit tonë në bashki apo rrethana të tjera të kësaj natyre”.

Reagimi i Bashkisë

Bashkia Lezhë dënon ngjarjen e ndodhur sot në autostradë pranë fshatit Tresh, ku është qëlluar me armë zjarri ndaj automjetit në të cilin lëvizte një punonjës i bashkisë, Inspektor i INUV-it, së bashku me një tjetër shtetas që nuk është punonjës bashkie.

Sa më lart, sqarojmë opinionin publik se, kjo ngjarje nuk ka asnjë lidhje me punën e inspektorit tonë në bashki apo rrethana të tjera të kësaj natyre, siç dhe pohon vetë ai.

Bashkia Lezhë i bën thirrje Policisë së Shtetit, të vejë para përgjegjësisë autorët e kësaj ngjarjeje që cenon rendin dhe sigurinë publike.