Margarita Xhepa në spital, Presidenti Meta i shfaqet surprizë me një tufë lule

Presidenti i Republikës Ilir Meta i ka bërë një vizitë surprizë në spital, aktores së madhe të kinematografisë shqiptare Margarita Xhepa, me rastin e ditëlindjes së saj. Margarita Xhepa mbush sot më 2 prill, 87 vjeçe, por ditëlindja e ka gjetur të sëmurë.

Në fotot e publikuara, Presidenta Meta ka vënë shënimin:

“Shumë pranvera të tjera të lumtura për yllin e kinematografisë shqiptare, të papërsëritshmen, Margarita Xhepa.
I uroj shërim të shpejtë, besimplotë se do ta shohim sërish në skenë me të tjera role, që do t’i shtojnë freskinë buqetës së saj të jashtëzakonshme artistike.”