Icardi s’e fsheh tensionin, përplaset me Spallettin në momentin e zëvendësimit

Pavarësisht rikthimit në formacionin titullar, raportet mes Mauro Icardit dhe trajnerit Luciano Spalletti, lënë për të dëshiruar.

Sulmuesi argjentinas e pa veten në formacionin titullar të Interit pas dy muajsh, duke ndihmuar zikaltrit në fitoren 0-4 në transfertë me Genoan, në ndeshjen e vlefshme për javën e 30-të të Serie A.

Icardi në këtë ndeshje shënoi me penallti në minutën e 40-të dhe u duk se gjithë ajo situatë e pakëndshme u la pas krahëve.

Por, në momentin e zëvendësimit në minutën e 80-të, Icardi pati një përplasje të vogël krah me krah me Spallettin, të cilit nuk i zgjati dorën, siç mund ta shihni në videon e mëposhtme.