DURRES/Protesta para AKU-së, ja çfarë po ndodh/ “Domatet si VIP-at e bllokut…” (FOTO)

Një protestë u zhvillua sot para godinës së AKU-së, ku dhjetra të rinj nga Forumi Rinor i Partisë Demokratike në qytetin e Durrësit, shprehën pakënaqësitë ndaj mosfunksionimit të kontrolleve për produktet ushqimore.

Protesta kishte si qëllim një lloj sensibilizimi dhe ngritjen e pakënaqësive ndaj ushqimeve të pakontrolluara që qarkullojnë në tregjet shqiptare duke filluar nga perimet me pesticide e deri tek produktet e tjera të mishit të pakontrolluara.

Të rinjtë madje kanë marrë iniciativën të kryejnë disa analiza për të treguar hormone që përmbajnë dhe shkallën e rrezikshmërisë që paraqesin këto produkte për konsumatorët.

Duke protestuar me pankarta në duar që shkruajnë: ” AKU zgjohu” , “Domatet si vipat e bllokut” dhe postera të tjerë, të rinjtë e FRPD-së goditën me domate godinën e AKU-së.