“Më solli helikopterin në shtëpi për presion”, ish-zyrtari i ministrisë përgënjeshtron Topin: Ishte kërkesë e Zajminës

Në një pasazh në libër ai tregon historinë sesi Sekretari i asaj kohe në ministrinë e Mbrojtjes urdhëroi helikopterin e Gardës që të ulej në oborrin e tij, për t’i bërë presion.

Sipas Topit, Sokol Çuni dhe piloti Donald Hoxha u ngritën në fluturim me urdhër të Kullurit. Topi shton më tej se komandant Dhori Spirollari nuk dha urdhër për këtë fluturim.

Në pasazh shkruhet:

Sidoqoftë, të urdhëruar dhe nën presion, Sokol Çuni dhe piloti i ri, Donald Hoxha, i cili do të gjente vdekjen dy vjet më vonë në një aksident ajror mbi liqenin e Shkodrës, u ngritën në fluturim vetëm me një urdhër të sekretarit të Përgjithshëm të Ministrisë së Mbrojtjes, Edvin Kulluri, si një fluturim rutinë, në një ditë të diel, pa urdhrin me shkrim të komandantit epror Dhori Spirollari, i cili ndonëse nuk kishte kurajën ta ndalonte këtë aventurë, mbrojti veten duke mos lënë gjurmë me firmën e tij, për një fluturim ku gjërat do të komplikoheshin gjatë rrugës.

Ndërkohë Kulluri ka reaguar menjëherë, duke treguar si qëndron e vërteta.

Sipas tij helikopteri është ulur me kërkesë të këngëtares Zajmina Vasjari, e cila po xhironte një klip.

Më tej ai ka shtuar se Sekretari i mbrojtjes nuk mund të urdhëroi dot njësitë e Forcave të Armatosura.

Reagimi i Kullurit:

Te dashur miq! Pas makines se propagandes se Rilindjes, edhe ish- presidenti Top ne librin e tij Nocturn, paska perseritur pretendimin alucinant se ne cilesine e sekretarit te Pergjithshem, ne vitin 2012 paskam urdheruar ngritjen e helikoptereve te Forcave te Armatosura! Kete here jo per xhirimin e nje klipi te kengetares Zajmina Vasjari, por me qellimin per tu ulur ne oborrin e shtepise se tij ne forme presioni ndaj tij dhe familjes se tij! I nderuar ish- president, si ish- komandant i FA duhet te kishit kuptuar se kerkesa e kengetares ne fjale i eshte percjelle per shqyrtim komandantit te Forces Ajrore ne baze te kompetencave te tij! Ajo eshte nje kerkese e percjelle drejte KFA dhe nuk eshte”Urdher”, pasi jo vetem qe ekzististon asnje “urdher”, por sekretari i Pergjithshem i MM nuk urdheron dot njesite e FA per ceshtje ushtarake, por i kerkon plotesimin e detyrave ne fushen civile si buxhet, prokurime dhe detyra qe ia ngarkon legjislacioni shqiptar! Si politikan apo ish politikan te keshilloj te mos genjesh per tu bere “hero” me pahir pasi kjo sjellje nuk te con askund! Mundohu te ruash dinjitetin qe i takon nje ish-presidenti.p