Voltana Ademi: Do zbatojmë dekretin e Presidentit për zgjedhjet

Kryebashkiakja e Shkodrës, Voltana Ademi deklaroi në Open se ajo do të zbatojë dekretin e Presidentit për të anuluar zgjedhjet e 30 qershorit dhe do të ndalojë që ambientet e bashkisë të përdoren për zgjedhje.

Ademi u ka bërë thirrje autoriteteve që i kanë kujtuar përballjen me drejtësinë që të mos shantazhojnë të zgjedhurit vendor.

E pyetur se me ç’të drejtë i ndërhyni KZAZ-së, Ademi tha se ka vepruar në tagrin e kryetares së bashkisë me përgjegjësinë që ka në respektim të ligjit.

“Unë kam vepruar me tagrin si kryetare, dhe jo me vulë partiake, po në bazë të ligjeve me nivel vendor. Bashkia Shkodër respekton çdo ligj e dekret si dhe kodin zgjedhor”, tha ajo.