TABELA/ Pjesëmarrja në votime, ish-deputetja publikon shifrat: Ja si po gënjejnë trashë. S’janë zgjedhje as votime, por…

Ish-deputetja e PD-së, Jorida Tabaku ka ironizuar me shifrat e pjesëmarrjes së publikuara nga Komisioni Qendror i Zgjedhjeve, ku sipas KQZ deri në orën 10:00 kanë votuar 12% e qytetarëve në gjithë vendin.

Por Tabaku e ka quajtur si gënjeshtër e trashë, pasi sipas saj në vitin 2017 kur zgjedhjet ishin normale, pjesëmarrja po në të njejten orë ka qenë po 12%.

“Sipas KQZ pjesëmarrja ne orën 10 është 12 përlind ekzaktesisht sa ne 2017 si tregon dhe vete faqja e KQZ. Gënjejnë dhe trashe, dhe kur numërojnë vete, votojnë vete, përsëri kane nevoje te genjejne!

Këto nuk janë zgjedhje as votime, kjo është administrata e detyruar për te shkuar ne votime per te mos humbur vendin e punës!

Vete votojnë, vete numërojnë, vete vulosin”, thekson ish-deputetja e PD.

Deklarata e KQZ

Komisioni Qendror i Zgjedhjeve informon opinion publik se janë  hapur të gjithë qendrat e votimit në të gjithë vendin, duke përjashtuar 7 Qendra Votimi në Postrribë të qarkut Shkodër. Nga këto, 6 qendra votimi nuk ka filluar ende votimi, ndërsa për 1 qendër votimi janë djegur materialet zgjedhore.

Vlen të theksohet se,  53 qendrat e votimit e KZAZ-së nr. 6 Vau i Dejës pavarësisht vonesave të shpërndarjes së materialeve zgjedhore, për arsye tashmë të njohura publikisht, janë hapur dhe procesi i votimit ka filluar normalisht.

Deri tani pjesëmarrja në votime është: 12%.

Kjo është një e dhënë paraprake, e cila ndryshon në bazuar në informacionin që Qendrat e Votimit kanë përcjellë në qendrën  e të dhënave në KQZ.

Komisioni Qendror i Zgjedhjeve i’u bën apel të gjithë qytetarëve që tu drejtohen kutive të votimit dhe të shprehin vullnetin e tyre me votë, pasi zgjidhjet në demokraci mund dhe duhet të dalin vetëm nga vota.​