Gjykata e rrethit Dibër, liroi 13 personat e arrestuar disa ditë më parë

Gjykata e rrethit Dibër, ka caktuar sot masën e sigurisë, për 13 personat e arrestuar disa ditë më parë, të cilët akuzohen për sulmet ndaj KZAZ.

Sipas “News24”, trupa gjykuese ka vendosur që të gjithë të arrestuarit të marrin si masë sigurie vetëm detyrim paraqitje, duke mos lënë asnjë në arrest me burg apo arrest shtëpie.

Me 28 qershor, mbështetës të opozitës u përplasën me policinë në ambientet ku ishte vendosur Komisioni Zonal i Administrimit Zgjedhor Dibër. Gjatë përplasjes me policinë pati disa të lënduar mes tyre edhe efektivë. Forcat e policisë përdorën ndaj turmës spraj dhe gaz lotsjellës, ndërsa protestuesit përdorën sende të forta, lëndë piroteknike.