Rama citon Gaz Pajën:” Ndoshta artistit nuk i duhet teatër se artin e tij e bën kudo, por jam për një teatër të ri”

Fjalët Rama  l ka përzgjedhur nga humoristi Paja janë edhe më “epike”, njësoj sikur janë nxjerrë nga ndonjë skenë e vetë Portokallisë.

“Ndoshta artistit nuk i duhet teatër se artin e tij e bën kudo, por jam për një teatër të ri se jam pro zhvillimit”, mbron Paja projektin e Ramës në një mënyrë që, edhe ushtari i mirë Zhvejk do ta kishte zili.

Postimi i Ramës në FB

Gaz Paja s’ka nevojë për asnjë prezantim besoj

GAZMEND PAJA:

Fryma është pozitive, edhe ata që nuk kanë qenë dakord, janë bërë të logjikshëm dhe kanë kuptuar se kjo është në të mirë. Jam pro teatrit të ri, unë respektoj maksimalisht legjendat që kanë kaluar dhe janë gjallë, por jam edhe natyrë që e dua zhvillimin për vete dhe për ata që do vijnë pas nesh. Le ta mbajmë atmosferën pozitive, bashkëpunuese. Ndoshta artistit nuk i duhet teatër se artin e tij e bën kudo, por jam për një teatër të ri se jam pro zhvillimit.