FOTO/ Skënderbeu kryeson. Rezultatet dhe renditja e Superiores

U luajtën sot 3 prej ndeshjeve të javës së dytë të Superligës, teksa Flamurtari-Kukësi do të zhvillohet në orën 19:00.

Skënderbeu përmbysi jashtë fushe Laçin. Golit të Nwabeuze në pjesën e parë të kurbinasve iu kundërpërgjigjën në të dytën Bregu dhe Otto John.

Me fitoren 2-1 korçarët ngjiten në krye të renditjes me pikë të plota, në pritje të ndeshjes që do të zhvillojë Kukësi.

Dy ekipet që vijnë nga Kategoria e Parë, Bylisi dhe Vllaznia, e mbyllën pa gola sfidën mes tyre të zhvilluar në Ballsh.