Krumë/Eskavatori rrëshqet nga rimorkio dhe përplaset me një makinë

Përditësuar më 14 September 2019, 02:01

Një aksident i rëndë, ku për pasojë ka humbur jetën një person, ka ndodhur mbrëmjen e sotme në aksin rrugor Krumë-Kukës.

Aksidenti ndodhi tek vendi i quajtur “Qafa e Toblit”, ku një eskavator, i rimorkuar në një kamion, ka rrëshqitur, duke u përplasur me makinën tip “Mitsubishi” që ndodhej pas kamionit.

Shoferi i makiës “Mitsubishi” ka marrë ndihmën e parë në Spitalin e Krumës dhe është transportuar për në Spitalin e Gjakovës, ku ka gjetur vdekjen.

Drejtuesi i kamionit është shoqëruar në polici, ndërsa vijojnë hetimet për zbardhjen e ngjarjes.

Një kamion ku në rimorkio ka pasur një eskavator, ka rënë nga shtrati i makinës që po e transportonte dhe për pasojë ka goditur një mjet tip ‘Mitsubish’ që kalonte në rrugë.

Për pasojë ka humbur jetën drejtuesi i mjetit ‘Mitsubishi’, Hysen Nega, i moshës 50 vjeç.

Fillimisht ai është dërguar në spitalin e Krumës dhe më pas është transportuar në Spitalin e Gjakovës, aty ku ka ndërruar edhe jetë.

Shtetasi E. H, që rezulton të jetë edhe drejtuesi i mjetit tip kamion ku ndodhej eskavatori, është shoqëruar në polici.

Policia Rrugore dhe grupi hetimor ndodhen në vendin e ngjarjes ku po punojnë për shkaqeve të ngjarjes.

Policia e Kukësit /Informacion paraprak.

Në aksin rrugor Krumë- Kukës, në vendin e quajtur ‘Qafa e Toblit’, mjeti tip kamion ku në rimorkio ka pasur një eskavator, gjatë ecjes eskavatori ka rrëshqitur nga shtrati i rimorkios, dhe për pasojë ka goditur mjetin tip ‘Mitsubish’ me drejtues shtetasin H.N.

Për pasojë është dëmtuar drejtuesi i mjetit ‘Mitsubush’ shtetasi H.N., i cili ka marrë ndihmën e parë në Spitalin e Krumës dhe është transportuar për në Spitalin e Gjakovës ku ka gjetur vdekjen.

Drejtuesi i mjetit tip Kamion, shtetasi E.H., është shoqëruar në komisariatin e policisë Kukës, për veprime të mëtejshme proceduariale.

Policia Rrugore dhe grupi hetimor ndodhen në vendin e ngjarjes ku po punojnë për shkaqeve të ngjarjes.