Reagon Rudina Hajdari: Ju siguroj se unë jam në krye të grupit Demokrat

Deputetja Rudina Hajdari ka reaguar pas lajmit se ajo nuk do të jetë më në krye të Grupit Parlamentar të PD-së dhe se në vend të saj, kjo detyrë iu caktua deputetit Korab Lita.

Me një shënim në facebook, Hajdari ka hedhur poshtë pretendimet e Korab Litas, ndërsa shkruan se ajo vijon të jetë në krye të grupit Demokrat.

“Ju sigurojë se unë jam në krye të grupit Demokrat që ndërkohë po zgjerohet dhe forcohet edhe më shumë. Vendosmëria jonë për të çuar deri në fund reformimin e sistemit është detyrim ndaj çdo demokrati dhe opozitari që kërkon ndryshimin në Shqipëri. Shihemi te enjten!”, shkrun Rudina.

Ndërkohë, ka qenë vetë Korab Lita i cili shkroi në Facebook se ka ndodhur një organizim i brendshëm dhe se atij i është propozuar të jetë kreu i ri i Grupit të Demokratëve.