‘Alarmi u dha në fillim të shkurtit’, ish-ministri sulmon qeverinë: Italia e vendosur të luftojë koronavirus

“Në vendin tonë ne kemi reth 0,45 për 10000 banorë, për të mos folur për nivelin e shumë elementeve teknike dhe nuk ka asnjë përpjekje për shtimin me urgjence të tyre, ndërkohe që duheshin aktivizuar së paku 200-250 poste Reanimacioni të reja, alarm i dhënë ky që në fillim të shkurtit”, thotë Shehu.

Fillimisht ai ka marrë shembullin e Italisë për të cilën thotë se brenda dy javësh bëri dyfishimin e posteve te Reanimacionit e pajisjen e tyre me respiratore, të domosdoshëm këto për të shpëtuar shumë jetë nga ndërlikimet e Coronavirusit, kur 10% e të infektuareve kanë nevojë për Terapi të tillë Intensive.

Postimi i Shehut:

Italia e vendosur te luftoje, Shqipëria në vend numuro!

Italia dje ne perpjekje te gjithaneshme perfundoi brenda dy javesh dyfishimin e posteve te Reanimacionit e pajisjen e tyre me respiratore, te domosdoshem keto per te shpetuar shume jete nga nderlikimet e Coronavirusit, kur 10% e te infektuareve kane nevoje per Terapi te tille Intensive.

Ajo instaloi reth 4000 poste te reja me te gjitha sherbimet ndihmese e nje kosto 1 Miliard Euro, duke kaluar nga 1 ne 2 shtreter te tille per 10000 banore.

Gjermania ka 4 poste per 10000 banore dhe megjithate po instalon me urgjence edhe 10000 respiratore te tjere, gje qe i krijon nje siguri te madhe ne dominimin e komplikacioneve te kesaj epidemie.

Ne vendin tone ne kemi reth 0,45 per 10000 banore, per te mos folur per nivelin e shume elementeve teknike dhe nuk ka asnje perpjekje per shtimin me urgjence te tyre, nderkohe qe duheshin aktivizuar se paku 200-250 poste Reanimacioni te reja, alarm i dhene ky qe ne fillim te shkurtit.

Mjekesia e zhvilluar europiane dallohet nga ajo e vendeve te pa zhvilluara per nivelin e larte teknologjik, kualifikimin e personelit, investimet gjigande, ku nje vend kryesor ze Terapia Intensive, qe qartesisht determinon ne uljen e vdekshmerise.

Zhvillimi i sistemit shendetesor e veçanërisht përballimi i situatave të tilla kërkojnë përpjekje, dije e financime reale, duke pasur si model e krahasuar vendin tone me vendet europiane, ndryshe dhe pasojat do te jene si ne Afriken Qendrore!