Ekonomistja që i dha fund jetës me helm

Një 37 vjeçare i dha fund jetës ditën e sotme në qytetin e Sarandës duke pirë fotoksinë.

E reja që humbi jetën sot rrugës me helicopter ndërsa po transportohej në Tiranë, është Elona Dauti.

Shkak për aktin ekstrem mësohet të jetë bërë fakti që Gjykata i kishte hequr kujdestarinë e vajzës për t’ia dhënë bashkëshortit.

Por jo vetëm kaq, por bashkëshorti e kishte marrë vajzën 12 vjeçare me vete në Itali.

Një vendim Gjykate shumë i çuditshëm që ka sjellë dhe këtë tragjedi.

Po kush ishte Elona Dauti?

Ajo punonte në Bankën Kombëtare Tregtare të Sarandës si ekonomiste, duke qenë një profesioniste e zonja, si dhe ishte banore e lagjes nr 4, ku njihej si një zonjat më të respektuara dhe e dashur për banorët.

Ajo ka pasur një lidhje të fortë me vajzën e saj dhe duket se vendimi i dyshimtë i Gjykatës për t’ia hequr kujdestarinë pas ndarjes nga bashkëshorti, bëri që gjendja e saj psikologjike të rëndohej dhe fatkeqësisht të kishte këtë fund tragjik.