Aktorja replikon me Hilën: Mjerim e krenari! Do të kalonte ty poshtë ushqimi që kushton sa rroga që merr për të ushqyer fëmijët?

Pas akuzave të opozitës se ministrat shpenzuan mijëra euro gjatë darkës, në mbrojtje të tyre ka dalë gazetari Dritan Hila, i cili në një postim në rrjetet sociale shkruante se delegacionet nuk mund të shkojnë dhe të hanë sufllaqe dhe të flenë në motele pa kondicionerë.

Por pas këtij postimi ka reaguar edhe aktorja Ema Andrea, e cila shkruan se delegacionet dhe politikanët duhet të hanë vakte që mund të përballohen nga xhepi i një qytetar shqiptar.

Ajo e quan të shfrenuar gjithë këtë luks, ndërsa e pyet gazetarin se a do i kalonte poshtë ushqimi që kushton sa rroga që merr për të ushqyer fëmijët.

Postimi i Ema Andreas:

Po, Z. Hila,

Do me dukej normale,qe politikanet dhe delegacionet  te hane  vakte(pak rendesi ka çfare ka.ne pjate) me çmime qe mund te perballoheshin nga xhepi e nje qytetari shqiptar me ekonomi te mesme. Me duket e moralshme ne raport  me shoqerine dhe economine  e vendit qe drejtojne ata.

Ne se nuk eshte takim privat por perfaqesi e vendit qe drejtojne,Po, duhet ta ndjejne por detyre te mos shtiren as ne haje.

Me duket e deryrueshme te mos bejne te frustruarit prej luksit qe dikush tjeter,mund tja lejoje vetes.

Kur perfaqeson vendin qe drejton, nuk ka rendesi çmimi I ushqimit  por vertetesia dhe e verteta te ben dinjitoz.

Askush ska problem çfare permban pjata,sufllaqe a suflé, dhe mos e banalizoni keshtu problemin ju lutem.

Do te kalonte ty poshte,ushqimi qe kushton sa rroga qe merr per te ushqyer femijet?

‘Mjerim e krenari ‘

do thoshte dikush!

Ps. Serish,komentet denigruese e fyese, do ti fshij, ndaj lutem  mi kurseni.