Koço Kokëdhima për 21 janarin: Vetëm një pushtet gjyqësor i pavarur prej tyre do të rivendosë drejtësinë

Përmes një postimi në rrjetet sociale, Kokëdhima shkruan se denoncuesit që përdorën popullin si mish për top për të ardhur në pushtet, prej 8 vitesh, bënë pazar me gjakun e të rënëve, e përdorën tragjedinë për ritualin e “lotëve të krokodilit” dhe për luftë politike.

Sipas tij, vetëm një pushtet gjyqësor i pavarur prej tyre mund të rivendosë drejtësinë.

“Një dekadë pas vrasjeve shtetërore përballë kryeministrisë, drejtësia nuk është vënë në vend. Urdhëruesit e masakrës së 21 janarit 2011, me 4 të vdekur, dhjetra të plagosur e të dhunuar barbarisht nga forcat e sigurisë, aspirojnë rotacionin politik pas zgjedhjeve të 25 prillit. Denoncuesit që përdorën popullin si mish për top për të ardhur në pushtet, prej 8 vitesh, bënë pazar me gjakun e të rënëve, e përdorën tragjedinë për ritualin e “lotëve të krokodilit” dhe për luftë politike. Vetëm një pushtet gjyqësor i pavarur prej tyre do të rivendosë drejtësinë, do të qetësojë shpirtrat e viktimave dhe do të fashitë sadopak dhimbjen e familjarëve”,- shkruan Kokëdhima.