Vizita në Shqipëri, zyrtari i lartë i DASH përfundon takimin mbi 1 orë me Bashën

Ka zgjatur 1 orë takimi mes kreut të opozitës Lulzim Basha dhe Ndihmës Sekretarit të Shtetit, Philip Reeker (Filip Riker).

Takimi u zhvillua në selinë e PD-së dhe përveç Bashës dhe Riker të pranishëm ishin edhe ambasadorja e SHBA në Tiranë, Yuri Kim dhe drejtuesit e lartë të PD-së.

Temat e diskutimit në këtë takim besohet se kanë pasur të bëjnë me zgjedhjet e 25 prillit dhe marrëdhëniet mes dy vendeve.

Më herët, Riker zhvilloi një takim 45 minutësh me Edi Ramën.

Riker u prit në hyrje të selisë blu nga Sekretari i Përgjithshëm i PD, Gazment Bardhi dhe deputetja e zgjedhur, Jorida Tabaku.