Skandali me pagat, Rama i prerë: Ngjarje e shëmtuar. Kush e ka bërë do të përgjigjet para ligjit!

Kryeministri Edi Rama ka deklaruar se kush fshihet pas skandalit të daljes së pagave, do të përgjigjet para ligjit.

“Me pagat ka ndodhur së fundmi një ngjarje shumë e shëmtuar dhe shqetësuese. Pjesa kriminale e ngjarjes është një pjesë që i takon prokurorisë. Ajo po heton në mënyrë intensive. Uroj dhe kam arsye të besoj se do të kemi rezultate. Kush e ka bërë do të përgjigjet para ligjit.”, tha Rama.

Rama paralajëron kompanitë pas skandalit me pagat: Afat deri më 20 janar për deklarimet e reja, ose hetoheni për evazion

‘Jo cdo e keqe vjen vetëm për keq’, me këtë shprehje të përshtatur nga anglishtja, kryeministri Edi Rama paralajmëroi një reformë të thellë lidhur me deklarimet e pagave, nisur nga skandali me publikimin e të pagave të shqiptarëve.

Rama paralajmëroi kompanitë e bizneset se kanë afat deri më 20 janar  për deklarimet e reja, në të kundërt ndaj tyre do të nisë hetim për evazion.

“Në këndvështrimin më afat mesëm kjo ngjarje mund të quhet edhe ‘jo cdo e keqe vjen vetëm për keq’. Natyrisht ekspozimi i të dhënave personale është i papranueshëm por nga ana tjetër, sot ka një pasqyrë domethënëse në sytë e të gjithë shqiptarëve dhe askush s do mund të thotë se po sulmojmë askënd. Duke nisur nga mediat, duke nisur nga pagat tuaja. Nuk është një situatë kjo e ngjashme me atë që ka qenë më parë, por është e papranueshme.

Askush s’do na thotë dot se po sulmojmë mediat, duke kërkuar prej atyre që japin paga fiktive të rregullojnë deklarimet. Tatimet do nisin një letër për tatimpaguesit me deklarime shqetësuese, që rezultojnë në mopërputhje deri në flagrante, që të rregullohen me deklarimet e reja deri në 20 janar, në rast të kundër do ketë hetim për evazion, në këtë aspekt ne kemi përgatitur një plan, para se sa të ndodhte kjo. Ne s’mund të vazhdojmë të presim gradualitet, për njerëzit që punojnë dhe nuk marrin atë që iu takon duke shitur pa vullnetin e tyre të ardhmen.

Sepse te pagat minimale të deklaruara që shoqërohen me para cash, goditet e ardhmja e individit, sigurimet për pension janë shumë të ulëta, bllokohet mundësia për të rritur pensionet. Si mund të rrisë pensionet një vend, që deklaron paga mininale është e pamundur. Procesi do ndërtohet me hetim pasuror të kompanive e biznesmenëve që deklarojnë paga minimale. Kjo do shoqërohet me një reformë të thellë, për të ndarë në një mënyrë teknike biznesin e vogël. Nga ana tjetër kjo do na ndihmojë të garantojmë punonjësit me pagë reale minimale. Ndodh që iu jepen pagat minimale e më pas iu merren pas një pjesë e tyre, kjo është një abuzim prej skllavopronarësh. Kjo qeveri do jetë e tëra në krahun e punonjësve.”- u shpreh Rama.

“Fazë absurde bllokimi në BE”, Rama tregon afatet: Nëse Bullgaria vendos veton, do kërkojmë ndarjen nga Maqedonia e Veriut

Kryeministri Edi Rama deklaroi se nëse brenda 6 muajve të ardhshëm Bullgaria vazhdon të vendosë veton ndaj Maqedonisë së Veriut, Shqipëria do të kërkojë ndarjen me këtë shtet sa i takon rrugës për çeljen e negociatave për integrimin e vendit në BE.

“Jemi në një faze absurde të bllokimit të Maqedonisë nga Bullgaria. Kemi kërkuar një opinion nga qytetarët nëse ata do ta mbështesnin një qasje të re të politikës sonë të jashtme. Që do të thotë se nëse në fund të qeverisjes franceze, dmth 6 mujorin e parë të vitit të ardhshëm Bullgaria të vendos të bëjë veton, do të fillojmë që të kërkojmë ndarjen nga Maqedonia e Veriut. është3 vendim me peshë në një natyrë strategjie. Pikët tona në vlerësime sa i takon këtij procesi rriten dhe dy komponentë në rritjen e pikëve janë hapat që ka filluar të ne sistemi i ri i drejtësisë, SPAK, që ka dhënë shenja të qarta qe nuk është prokurori e politikës, e partive, e të majtës apo të djathtës, por është institucion i Republikës.”, tha Rama.