Ironia e fatit/ Shkumbini dikur promovonte këngën për “të dashurën që vdes në aksident”

Aksidenti fatal në aksin Fushë Krujë-Milot i mori jetën çiftit të të rinjve, Shkumbin Brati, 20 vjeç, dhe Almeina Karaj, 16, në mesin e 4 viktimave.

Nga përplasja e fortë e dy automjeteve, humbën jetën edhe drejtuesi i makinës, Artan Alushi, 30 vjeç si dhe shoferi i makinës tjetër Alfred Dika, 39-vjeç. E plagosur ka mbetur një 34-vjeçare, që ndodhej në makinë me çiftin e të rinjve.

Perplasja mes dy makinave, “Benz” dhe “Golf 4” ishte shumë e fortë, pasi makinat po lëviznin me një shpejtësi më shumë se 100 km/h.

Shkumbin Brati, i riu, i cili humbi jetën bashkë me të fejuarën e tij, i pëlqente muzika dhe kishte realizuar disa këngë, një prej të cilave e ka promovuar dhe në televizionet shqiptare.

Në këngën që po promovonte, ai flet për një histori, ku, një djalë emigrant kishte humbur në aksident të dashurën e tij dhe nuk kishin arritur dot të fejoheshin dhe të jetonin bashkë.