U shpall fitues në Shkodër, Bardh Spahia jep mesazhin e parë: Atyre demokratëve që për pak humbën rrugën u them se…

Bardh Spahia, i cili në zgjedhjet e 6 marsit për kryetar bashkie garonte nën siglën e koalicionit “Shtëpia e Lirisë” u shpall fitues, duke marrë më shumë vota se dy rivalët e tij të PS dhe PD.

Spahia në mesazhin e parë që dha për mediat, iu drejtua atyre demokratëve, të cilët nuk e votuan, duke i thënë se dera do të jetë e hapur.

“Dua të falënderoj nga zemra stafin e shtabit tonë elektoral, por edhe këtë rini të jashtëzakonshme, që i dhanë frymë tjetër kësaj gare elektorale.

Me falënderimin e përzemërt ndaj qytetarëve të bashkisë tonë, ju garantoj se nga nesër do të jem kryebashkiaku i Shkodrës.

Një thirrje kam edhe për ata që nuk më votuan, për ata demokratë që për pak humbën rrugët, dera do të jetë e hapur për të gjithë demokratet e vërtetë.

E para do të komunikoj sic duhet me qytetarët e mia dhe do ti japim zgjidhje të gjithë problematikave. Sot jemi për të vlerësuar forcën e ndryshimit. Sot vumë në piedestal forcën e votës së lirë. Shkodra sot është fituese”, tha Spahia.