Viktor Orban kritikon BE dhe shpall Zelenskyn kundërshtar

Fitoi mandatin e katërt radhazi

Udhëheqësi autoritar i Hungarisë dhe aleati i vjetër rus, Viktor Orban ka shpallur fitoren në zgjedhjet parlamentare të vendit, duke marrë një mandat të katërt radhazi në pushtet.

Fushata zgjedhore e tij u dominua nga pushtimi i Ukrainës nga Moska, i cila vuri nën vëzhgim lidhjen e gjatë të Orbanit me presidentin rus Vladimir Putin. Në fjalimin e tij të fitores, Orban e quajti presidentin e Ukrainës Volodymyr Zelensky një nga “kundërshtarët” që duhej të kapërcente gjatë fushatës.

Hungaria është shumë e varur nga energjia ruse dhe Orban ka shmangur mundësitë për të dënuar sulmin e Putinit ndaj shtetit të saj fqinj, duke komplikuar përpjekjet e BE-së për të paraqitur një front të bashkuar kundër tij.

“Ne kemi një fitore të tillë që mund të shihet nga hëna, por është e sigurt që mund të shihet nga Brukseli. Ne do ta kujtojmë këtë fitore deri në fund të jetës sonë, sepse na u desh të luftonim kundër një numri të madh kundërshtarësh,” tha Orban, duke përmendur një numër të armiqve të tij politikë duke përfshirë të majtën hungareze, Brukselin dhe mediat ndërkombëtare.