Shkatërrohet grupi kriminal i kartave bankare greko-shqiptar

Greqi – Me urdhër të Prokurorisë së Nafplios u bënë publike të dhënat dhe fotot e  shtatë të akuzuarve si anëtarë të një organizate kriminale që bënte mashtrime.

Të shtatë personat, 6 grekë dhe 1 shqiptar, mes tyre drejtuesi dhe tre anëtarë të bërthamës, janë arrestuar pas një operacioni të kryer nga policia e Igumenicës në qytete të ndryshme të Greqisë.

Sipas publikimit të të dhënave, shqiptari i identifikuar është Ilia Metellari, i biri i Myfitit dhe Hënës lindur më 14-03-1978 në Shqipëri.

Organizata kriminale kishte kryer 231 mashtrime dhe fitimet  i kalonin 1.4 milionë eurot.

Organizata kriminale u çmontua pas një hetimi shumë mujor nga Sigurimi i Igumenicës dhe u identifikuan detajet e gjithë bërthamës së saj, si dhe 15 anëtarë të qarkut, ndaj të cilëve u ngrit një çështje penale, mashtrim kompjuterik në zhvillim dhe pastrim parash nga aktiviteti kriminal.

U verifikuan edhe të dhënat e 117 mbajtësve të llogarive bankare të cilëve iu transferuan paratë.

Mashtrimet kryheshin kryesisht përmes reklamave për shitjen e automjeteve dhe mallrave e shërbimeve të tjera.

Autorët kanë kontaktuar me telefon me viktimat dhe kanë nxjerrë kodet personale të llogarive të tyre bankare, nga të cilat kanë transferuar para në llogaritë e bashkëpunëtorëve të tyre ose kanë kryer tërheqje përmes bankomatit. Me paratë që fitonin anëtarët e organizatës, bënin jetë luksi, blinin makina dhe shtëpi ose i investonin në dyqane që funksiononin.

Nga kontrolli në banesat e të arrestuarve janë konfiskuar pesë makina, një makinë kamion, një motoçikletë, tre televizorë, gjashtë laptopë dhe tableta, një armë gjahu, një pistoletë, katër karta bankare, 25 celularë, 14 pako me parapagesë, tre karta SIM dhe 3180 euro.