Thirrja në agoni e së moshuarës në Shkodër teksa i shkrumbohej apartamenti

Flakët e zjarrit kanë rrezikuar jetën e një të moshuare në një apartament në Shkodër.

Ngjarja ka ndodhur në orët e para të mëngjesit të kësaj të mërkure në qytetin e Shkodrës.

Mësohet se si pasojë e një shkëndijë elektrike zjarri është përfshirë nga flakët.

Pas 1 ore luftë me flakët është arritur të nxirret e moshuara, e cila kishte mbetur e bllokuar në ballkonin e apartamentit.

Kjo falë ndërhyrjes së shërbimit zjarrfikës, policisë dhe banorëve të pallatit.

E moshuara ka pësuar djegie të shumta të trupit, teksa ndodhet në gjendje të rëndë në Spitalin Rajonal të Shkodrës.