Fuga në një linjë me Ramën

I futuar në emisionin “Kjo Javë” në News24, akademiku Artan Fuga, është shprehur se buxheti që ju mohua Akademisë nuk është një vendim i drejtë nga kryeministri Rama, duke pranuar se në të tilla kushte ai nuk do të kishte pranuar të ishte në krye të Akademisë së Shkencave.

Por sipas Fugës të kërkosh buxhete pa thënë se si do ta menaxhosh atë dhe se ç’plane ka për vënien në punë të tij është një gjë e gabuar.

“Unë i qëndroj pikëpamjes time se vetëm të kërkosh buxhete pa thënë se çdo t’i sjellësh buxhetit është një politikë financiare e gabuar që ka hyrë si një sëmundje prej kohës kur institucionet publike ishin shtetërore dhe vetëm merrnin dhe nuk jepnin. Unë i qëndroj strategjisë se Akademia e Shkencave sikurse të gjitha agjensitë që kanë të bëjnë me industrinë e krijimit jo vetëm duhet të marrin nga buxheti, por duhet të kontribuojnë në buxhet. Ky është problem që unë nuk jam akoma i pranuar dhe i kuptuar dhe i pranuar në Akademi”, deklaroi akademiku Artan Fuga.